FPNCC Malawm Hpung 4 Hte Myen Hpyen Dap Ni June Shata Hta Bawng Ban Hpawng Galaw Na

0
22

2019 ning June shata 7 ya shani hta, Myen mung gumsan magam rung a tsun shaga ahkang lu ai Salang U Zaw Htay hku n’na AA lawm ai Ding dung rawt malan hpng mali hte bi-lateral lahkawng maga myit hkrum ga sadi lu na matu shakut nga ai lam hpe shiga sang lang hpawng hta, tsun shaga ai hpe chye lu ai.

Bawng ban na shara n mai jahkrum
Ya aten du hkra, FPNCC malawm hpung mali hte bawng ban na matu shara n lu masat tim, ndai June shata hta kaja wa lu hkrum hkra lajang nga ai hpe tsun shaga wa sai. Myen hpeyn dap gaw, Yangon, Naypyidaw hte Myitkyina shara ni hta hkrum zup na bawng ban tim, FPNCC hpung malawm AA a shimlam hte seng n’na Kunming, Lashio mare ni hta hkrum na matu lajang ai majaw, shara hpe atsawm n lu jahkrum ai hku byin nga ai.

AA Hpe tang du hkra gasat na Asuya matsun
Myen mung gumsan magam rung hku nna, AA rawt malan hpung hpe tang du hkra gasat na matu hte, ra wa jang hpyen helicopter lang na matu matsun da ai hpe shiga sang lang hpawng hta tsun shaga wa sai.

Dai hte seng na, AA tsun shaga ahkang lu ai Khaing Thu Hka hku n’na Juen praw 8 ya hta, “ Myen mung kaw rawt malan hpung law law nga ai hta, ndai zawn matsun hkrum ai n’nga ai, ya gaw amyu lachyen lahka ai masa hku matsun ai hpe chye na ai, dai majaw Rahkaing amyu sha hte AA ni hku n’na ninghkap gasat na hta jan na n nga ai “ lam hpe tsun sang lang wa sai.

REF: Gumsan Magam Rung, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here