FPNCC Hte Ausya Lapran Bawng Ban Hpawng Galaw Na Shara Grai N Lu Masat

0
49

May shata 24 – 25 ya lapran hta galaw na, Gap hkat jahkring ai hte seng ai, ( Bilateral ) Lahkawng maga myit hkrum ga sadi laika hpe bawngban jahkrum na matu shara masat ai hta myit hkrum ai lam grai n lu la shi ai majaw, hkrum zup na n’htoi hpe htawt sit dat ai lam hpe chye lu ai.

Asuya hku nna, Yangon, Naypyidaw, Myitkyina hte Lashio mare ni hta galaw na matu tsun wa tim, Dingdung rawt malan pawng hpawm hpung ni ( FPNCC ) hku n’na gaw, Kunming, Pang Sang, Muse ni hta bai galaw na matu tang madun da ai majaw, lahkawng maga myit hkrum mai ai shara hpe grai n lu lata shi ai.

2019 ning April 30 ya shani hta Muse mare hta NRPC hte FPNCC ni bawngban hpawng galaw ai shaloi, Bilateral galaw na matu bawng ban wa sai, dai hte seng n’na laika n’hprang hpe May shata 24 hte 25 ya shani hta kalang bai bawng ban hpawng galaw na matu myit hkrum da sai.

Muse zuphpawng a majaw, Myen hpyen dap hku n’na April shata 30 ya shani hta hpring ai, shata 4 gap hkat jahkring ai hpe, shata 2 bai jat ya ai lam ni galaw wa sai. FPNCC ni hku n’na, Rahkaing mungdaw hta majan gasat ai hpe jahkring na matu tang madun da ai.

Ndai lang na bawng ban hpawng hta, Bilateral hte seng n’na, dawdan mai ai ningbaw ni lawm na matu myit hkrum da ai hpe chye lu ai.

REF: VOA, Irrawaddy
Ja Tawng Naw

LEAVE A REPLY

Please enter your comment!
Please enter your name here