Facebook Company Lahkawng Brang Rai Wa Sana Kun?

0
53

Mungkan hta, kaba htum mungkan masha shada matut mahkai ai Facebook hpe woi galaw ai Mark Zuckerberg a rau gawk nga manang byin ga ai, Facebook company hpe rau gawgap hpang ai, Chris Hughes gaw, company kawn garan pru mayu ai hpe 2019 ning praw 9 ya shani hta, New York Times shi laika a sumrai hta ka hta ai hpe mu lu nga ai.

Company langai kaw sha, marai langai sha jumtek da ai hpe ninghkap nna, company kawn garan pru na matu shadut nga ai amat nkau a ra sharawng ai hku Hughes kawn tsun wa sai.

Kade daram yaw shada ai lam kaja ai mi rai tim, marai langai hkrai jum tek da ai, htaw sa magam dap zawn hta galaw ai lam ni ( sh ) dai baw magam bungli ni hpe masat tawn ai lam USA mungdan hta, Zuckerberg a n’gun atsam gaw manu mana gaba nga ai majaw American a shadawn shadang hte htuk manu ai lam n nga ai hpe hughes kawn New York Times hta ka wa sai.

Jawng lung ai shaloi na Chris hte rau Mark

Mungkan ting hta, Facebook hpe lang ai masha wan hkying 2 jan nga ai hta n’ga, Facebook kawn madu ai, What’s app, Messenger hte Instagram jai lang ai ni mung wan hkying mi daram nga ai. Facebook gaw Instagram hpe 2012 ning hta mari da nna, What’s app hpe gaw 2014 ning hta mari dat sai.

Elizabeth Warren hku nna, American ra lata poi hta, Gumsan magam hku lata la hkrum jang, hpaga lawk hta jumtek da ai, Facebook, Amazon hte Alphabet Inc’s Google ni zawn company kaba ni hpe garan shapraw dat nna, gat lawk shingjawng ai ladat hpe sharawt ya na lam hpe ga sadi jaw let tsun wa sai.

REF: VOA, New York Times
Ja Tawng Naw

LEAVE A REPLY

Please enter your comment!
Please enter your name here