EU Hku Nna, Myen Mung A Mam N’gu Htaw Shagun Ai Lak San Ahkaw Ahkang Dawm Na Lam Lajang

0
18

EU Commission gaw, Myen mungdan kaw nna, mam n’gu  Europa mungdan de htaw shagun ai lak san ahkaw ahkang ( GSP ) hpe masum ning daram jahkring na lam hpe Myen mung Asuya hte, Myen mung Mam N’gu wuhpung hpe  laika hte shana da ai lam chye lu ai.

Myen mung Asuya ni hku nna ndai laika hpe Nov 19 ya grai n’du shi yang, masa lam hpe bai n’htang shana ra  ai. Seng ang ai ni hku nna mung bai n’htang tang shawn na hkyen lajang nga ai.

Europa mungdan ni hku nna 2013 ning kaw nna, Myen mungdan hpe lak san gun rai htaw shagun na ahkaw ahkang (GSP ) hpe jaw da ai  majaw, Myen mung kaw nna, panglai na pru ai arai ni, hkai n’mai gunrai ni hte, hpun n’ba ni hpe htaw shagun dut mai nga ai.  Myen mungdan kaw nna, shaning shagu mam n’gu  ton 100’000 daram EU mungdan ni de htaw shagun dut nga ai.

EU kaw nna laksan (GSP) jaw da ai majaw,  htaw dut ai kang 13% hkyam sa nga ai. La ma nna, ndai GSP hpe dawm kau ai nga jang gaw, mam n’gun ton mi hpe EU$100 jan hte htaw dut jahpu jaw ra sana hku ang wa ai.

Ndai a majaw, N’gun dut lu ai lam yawm mat mai ai ngu, Myen mung Mam N’gun wuhpung kaw nna Dr Soe Tun hku nna tsun ai.

EU ni hku nna, Myen hpyen dap ni Rohingya ni ntsa  amyu sat shamyit ai lam hte Kachin hte Sam myu sha ni hpe majan ruhka amu tawt lai da ai majaw Myen mungdan Asuya hpe ahkayk la na matu lajang hpang wa ai hpe mu lu nga ai.

REF: VOA, RFA News

M Brang Aung

LEAVE A REPLY

Please enter your comment!
Please enter your name here