Eropa Mungdan 6 A Bu Hkawm Masha Ni Hpe Arrival Visa Jaw Sana

0
51

2019 ning October shata praw 1 ya kaw n’na, Europa Mungdan 6 a mungkan bu hkawm masha ni hpe, Mungdan du ai hte Mungdan shang lakmat arrival visa jaw ya sana hpe chye lu ai.

Dai mungdan 6 gaw, Jermany, Italy, Austria, Russia, Switzerland, hte Spain mung dan ni re ma ai.

“ Eropa mungdan 6 kawn, October shata hta hpang na matu ahkaw ahkang lu la sai, mungdan shang lakmat manu hpe gaw, Asuya a masha pru shang dap kawn dai shata hta, rit kawp tara ni hte shana wa na,” ngu n’na manam jarawp hte mungkan bu hkawm bungli hkringmang dap a ningtau amu madu U Win Hlaing Kawn tsun shaga wa sai.

Manam Jarawp the bu hkawm bungli hkringmang dap kawn, Maning hta, Japan, South Korea, Chinese, HongKong hte Meccao mung dan ni hpe maning kaw n’na mung dan shang ai visa hte seng n’na shayawm ya ai lam ni galaw was ai. Dai ning hta mung matut n’na aten bai jat ya na lam nga ai hpe chye lu ai.

Amyu baw sang ni a shara hta majan byin ai lam hte, masha sat sharu ai lam hte seng n’na, Mung kan mungdan ni mara shangun da ai majaw, Myen mung hta sinna mungdan masha ni du shang wa ai yawn mat wa ai hpe chye lu ai.

2018 ning hta, Mung kan bu hkawm mash ani wan 1.4 daram mungdan de du shang wa n’na, Miwa, Thai, Japan hte South Korea a bu hkawm masha ni grau law shang ai hpe chye lu ai.


REF: VOA
Ja Tawng Naw

LEAVE A REPLY

Please enter your comment!
Please enter your name here