Easter Laban Hta Sri Lanka Nawku Jawng Hte Hotel hta Bawm Kapaw, 156 Si Hkala Hkrum

0
72

2019 ning April shata 21 ya Easter laban jahpawt hta Sri Lanka mungdan na Nawku jawng masum hte hotel nkau mi hta bawng kapaw hkrum ai majaw masha 156 si nna, 400 hkala hkrum ai lam chye lu ai.

Sri Lanka a muklum kaba Colombo mare na Nawku jawng langai hte hotel langai hta bawm kapaw hkrum nna, laga nawku jawng lahkawng gaw Negombo muklum na katholik nawku jawng hte, Sinpraw maga de na Batticaloa muklum ni hta byin wa sai.

Lit nga ai Salang ni hku nna, Nawku jawng lahkawng hta kapaw hkrum ai gaw bawm la wa nna, madu hkum sat si ai majaw re ai hpe tsun shaga wa sai.

Bawm hte seng nna amu hkan balik hpung a Du kaba langai gaw, “Kochcikade muklum na St Anthony’s Nawku jawng hta bawm kapaw ngut ai hpang, anhte hpung ni hku nna, hkala nba hkrum ai ni hpe shim ai shara de htawt sit nga ai,” shiga dap hpe tsun shaga wa sai.

Bawm kapaw ai hte seng nna, kadai ni galaw ai hpe, grai nchye lu shi ai.

REF: Aljazeera
Ja Tawng Naw

LEAVE A REPLY

Please enter your comment!
Please enter your name here