Du Daju Jum Min Awng Hlaing Miwa Mung De Du Hkawm

0
38

2019 Ning April shata praw 8 ya shani kaw nna, Myen hpyen dap a Dap awn daju Du Daju jum Min Awng Hlaing gaw Miwa mung de mahku mara lam tam kanawn mazum ai hku nna Beijing de du nga sai lam hpe chye lu ai.

Miwa Hpyen jaubu kaba Li Zuocheng a saw shaga lam a majaw Miwa mung de hku hkau lam masa hku sa ai hte, hkrum lam hta Miwa Asuya hte Miwa hpyen dap chaywm tarai ni hte hkurm na hpe chye lu ai.

Hkrun lam hta, madung hku nna, gara gabaw ni hpe bawngban na hpe gaw grai nchye shi ai rai tim, Min Awng Hlaing hte rau Du kaba Tan Tun Oo hte Du kaba Soe Htut ni lawm wa sai.

Dai sha n’ga, Myen mung a hpaji jaw Salang Awng San Suu Kyi hku nna mung, April shata htum hta, galaw na Belt and Road Initiative ( BRI ) Mungkan shinggrup ai Hpaga lam hte seng nna zuphpawng sa lung na hpe Maigan mung hkring mang rung kawn shana da ai hpe chye lu ai.

Ndai laman hta Miwa mung hku nna US$ gumhrpraw wan kahtap ai masing kaba ni hpe arang bang na matu hkyen lajang nga nna, Jinghpaw mung hta jahkring da hkrum ai Mali Hka madim hpe bai galaw na matu lajang nga ai hpe chye lu ai.

REF: BBC
Ja Tawng Naw

LEAVE A REPLY

Please enter your comment!
Please enter your name here