Dingdung Korea Ningbaw Kim Jong Un Hkrang Leng Hte Trump – Kim Zuphpawng Sa Sai

0
77

2019 ning February shata 24 ya laban shani hta, Dingdung Korea ningbaw Kim Jong Un hku nna Lahkawng ngu na Trump-Kim chyawm tari zuphpawng lung na matu, Vietnam mungdan de hkrang leng hte hkawm sa sai hpe chye lu ai.

Kim hte rau lawm sa ai ni gaw, Kim Yong Chol, USA hte hkrum shaga na matu bawngban jahkrup ya ai wa, Kim Yo Jong, Ningbaw wa a kanau ni lawm wa sai.

Trump – Kim bawngban hpawng hpe Vietnam mungdan Hanoi muklum hta bat hpang masum ya hte mali lapran galaw na hku lajang da sai.

Shawng nnan lang na Trump – Kim Chyawm tari zuphpawng hpe Singapore mundan hta 2018 ning June hta galaw wa ai shaloi, Dingdung Korea mungdang a (nuclear) shingja laknak atsam shayawm hte USA mungdan hku nna mung Dingdung korea mungdang n’tsa galaw da ai sut masa pat shingdang da ai lam hpe, bai dawm ya na matu myit hkrum ai lam lu la sai.

Maning na ten hta, Dingdung Korea hku nna nuclear hte sumtsan gap dawsa pila pyen chyam ai lam hpe jahkring ai lam hte nuclear n’gun sharpaw ai hpe jahkring ai hpe mungdan shinggan na kung kyang ai ni n’lawm ai majaw , Korea hku nna nuclear laknak shayawm sai ngu n mai tsun shi nga ai hpe mungkan kawn nna tsun shaga da ai.

Kade nna jang galaw sana Trump – Kim chyawm tari zuphawng hta mung, nuclear laknak kaba ni hpe shayawm ai lam hte, sut masa pat shingdang ai hpe bai dawm ai lam ni hte, mungdan galu kaba wa hkra lajang ai lam ni lawm na hpe chye lu nga ai.

Trump – Kim zuphapwng lung na mtu maigan mungdan na media marai 2,600 daram mying jahpan jaw da ai hpe Vietnam sumtsan salang rung kawn tsun shaga wa sai.

REF: U.S. News
Ja Tawng Naw

LEAVE A REPLY

Please enter your comment!
Please enter your name here