Democracy Hpe Makawp Maga Na Matu Mungkan Mungdan Ni Hpe Taiwan Gumsan Magam Garum Hpyi

0
53

Taiwan Gumsan Magam Tsai Ing-wen hku nna, 2019 ning January shata praw 5 ya hta, Democracy hkrang hku nna madu uphkang ai ladat hte  nga taw ai zunlawng hpe Miwa mungdan kaw nna jahkrit shama ai lam ningnan bai galaw wa ai majaw, Mungkan mungdan ni garum ya na matu saw shaga dat ai lam hpe chye lu ai.

Miwa mung a Gumsan magam Xi Jingping hku nna, “  Taiwan mungdan gaw Miwa mung dan a daw chyen hku shanglawm nga ai hpe kadai mung n’mai  galai shai ai, Taiwan panglai hka gyip lam hta nga taw ai lahkawng maga na masha ni hku nna, bai gumhkawm ai lam galaw ra na re,” ngu di nna tusn ai. Dai hku tsun tsun ngut ai  lani mi din ai hte  Taiwan Gumsan Magam Tsai hku nna lahta na hte maren bai tsun shaga wa sai.

Xi hku  nna lai wa sai January praw 2 hta, “ Miwa mung hku nna Taiwan hpe Miwa a uphkawng masa lam npu hta du wa na matu  n’gun kaba hte jai lang mai timung, Taiwan Mungdan hte prinam ai ladat hte mungdan gumhkawm ai lam hpe galaw mayu ai ngu,’ tsun lai wa sai.

Dai tsun ai lam hpe Taiwan Gumsan magam Tsai hku nna gaw, “ Mungdan langai, masa lahkawng  hte uphkang ai ladat “, ( One country, Two Systems) hpe n’hkap la lu ai lam hte, Taiwan mungdan ni myit ai lam hte galaw nga ai lam ni hpe, Miwa mung hku nna shajaw la chye na ra ai ,” ngu nna  Miwa mugdan hpe bai  tsun shadut da nga ai.

REF: CNN, Aljazeera

Ja Tawng Naw

LEAVE A REPLY

Please enter your comment!
Please enter your name here