Danai Buga Masha Lahkawng Hkam Bawm Kkala Hkrum

0
64

2019 ning January shata praw 7 ya jahpawt ahkying 10:00AM daram hta Nga hkwi sha hkawm ai kaw Kadai hkam da ai re nchye lu ai hkam bawm kabye la nna Danai Kahtawlik hpung masha Slg. Lagawt Hkun seng lagaw lahkawng maga daw mat ai hte Danai RC Camp kaw na slg. Magawng La Pa hkum lawaw daw lagaw maga hkra machyi nna. Danai hta tsi tsi hkam la nga ai. lagaw lahkawng maga hkra mat ai slg. lagawt hkun seng gaw myitkyina tsi rung de shalai dat ai.

Danai hka hku maga Awng Lawt mare de lung wa ai Danai hka makau Labram nawng kaw Nga hkwi sha sa yang byin ai re lam chye lu ai.

Mung shawa ni matut nna sadi maja na lam
Lahta na mabyin hte seng nna, anhte a wunpawng ginra hta Myen hpyen dap ni hku nna majan gasat ai lam hpe shata 4 jahkring mi gang hkring ai hpe shana da ai lam gaw, Wunpawng ginra ni hta simsa sai ngu ai masa grai n’re shi ai. Myen ni a maw lanyet langai sha naw re ai majaw, lawu na lam ni hpe sadi maja lu na matu shana dat ai.
● Hka shi, hka nu, hkaw nawng, hka lawng hkan nga hkwi sha hkawm ai lam ni
● Yi sun, hkauna sa ai lam ni
● Shanhkwi ai lam ni hpe grai sadi maja let galaw ra na re
. Grau nna gaw, Myen hpyen dap hte ni nawn ai hkan nga jang, grau sadi maja ra na lam hpe shana dat ai.

REF: Kahtawlik shiga@Danai
Ja Tawng Naw

LEAVE A REPLY

Please enter your comment!
Please enter your name here