Chyawm Tari Ningbaw Kaba Ni N’lawm Ai FPNCC Dat Kasa Hpung Ni Naypyidaw Du Sai

0
15

2019 ning March shata 19 ya shani hta, gap hkat n jahkring shi ai rawt malan hpung 8 a dat kasa ni Nay pyi daw de du shang wa sai hpe chye lu ai.

KIO maga de nna gaw Salang kaba Brang Nan hte Du Kaba Hkun Nawng ni woi awn let du sa wa ai.

Sinpraw Sam mung laksan ginra (4) MNDAA de na amu madu U Kyi Myint woi awn let du wa sai.

Ndai laman Majan kaba kasat hkat nga ai AA rawt malan hpung a gawng malai Du kaba Kyaw Han du wa sai.

SSPP/SSA hpung kaw nna gaw, ningtau ningbaw Sao Kun Sai ni lawm ai hpe chye lu ai.

Myen Asuya a NRCP hte March shata 21 ya hta hkrum let, Myen hpyen dap hte March shata 22 ya shani hta hkrum na matu du sa wa ai hta, N’gun kaba ai UWSA, KIO hte AA hpung ni kaw nna, chyawm tari ningbaw kaba ni n lawm ai hpe mu lu ai.

Du shang wa ai FPNCC dat kasa hpung ni hpe Miwa sumtsang salang rung a dat kasa ni hte hkrumzup ai lam galaw wa sai.

Ya na zawn hkrumzup bawng ban hpawng hte, Shata mali gap hkat jahkring ai lam sha n’ga NCA hta ta masat htu wa na lam hte seng nna Miwa Asuya kawn Myen ningbaw ni hte jahkrum nna galaw nga ai hpe Yunan mungdaw Asuya ya kawn lai wa sai February shata hta KBC hpung Ningbaw Rev. Dr. Hkalam Samson hte Sara kaba nkau hpe tsun wa sai hpe chye lu ai.

REF: BBC, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here