Champion League Final Gawdin Ginsup Lamang Hta Liverpool Dang Na Grau Mying Kaba

0
56

Champion league hpang jahtum na shingjawng poi lamang hpe Spain mungdan Madrid muklum hta June shata praw 2 ya jahpawt jau hkying 1:30 am ten hta English gawdin hpung ni rai nga ai, Liverpool hte Tottenham Spur hpung ni shingjawng kashun sa wa na hpe chye lu ai.

Spur gawdin hpung hku n’na, Champion league final madang hpe shawng na lang du lung wa ai rai n’na, Liverpool hpung gaw ningtawn ninghkrin 5 lang lu da ga sai.

Liverpool hku n’na, lai wa sai 2018 ning na Champion league final hta Real Madrid gawdin hpung hpe sum da ga n’na, ginsup sharin Sara Jurgen Klopp a aten hta, final 6 lang htawng ai shaloi 6 lang tup sum ga ai.

Liverpool hte tottenham Spur yan a ginjum ginsup poi 170 hpe maram yu jang, Liverpool hku n’na 79 dang ai, Spur gaw 48 dang n’na, 43 gaw maren dang ai poi hku chye lu ai.

Gawdin ginsup poi gaw mahtai amyu myu byin chye ai majaw, kaja wa Champion league jahtum na shingjawng poi hta kadai dang na hpe gaw, kade n’na jang chye wa sa na.

REF: UEFA.com
Ja Tawng Naw

LEAVE A REPLY

Please enter your comment!
Please enter your name here