Cairo Nawku Jawng Makau Hta Bawm Kapaw, Balik Du Langai Si Hkala Hkrum

0
28

2019 ning January shata 5 ya shana daw maga ten hta, Coptic Christian nawku hpung ni Hkristmas poi galaw na hkyen nga ai shaloi, Nawku jawng hte ni ai shara hta bawm kapaw nna balik du langai si nna, langai mi hkala hkrum ai hpe chye lu ai.

Egypt Shiga dap MENA hku nna gaw, Nawku jawng hte ni ai shara hta, ntsen hpa kapaw mai ai arai hpe balik du yan jep yu nna, lashawng gang shaw nga yang bawm kapaw wa nna, si hkala hkurm ai lam byin ai, ngu tsun ai. Egypt mungdan na Coptic hkristan ni gaw Jan praw 7 ya shani hpe Hkrsitmas n’htoi ngu masat da nna, nawku jawng hta Hkristmas poi galaw na matu hkyen nga ai hta byin ai lam re.

Ndai bawm kapaw ai lam gaw, Copts Hkrsitan ni hpe yaw shada let galaw ai lam rai nna, Copts ni gaw Sinpraw kaang mungdan ni hta grai n’gun kaba ai Hkristan hpung langai rai nna Egypt mungdan hta wan 15 daram nga ai hpe chyelu ai. Lai wa sai 2017 ning April shata praw 9 ya hta mung, Coptic nawku jawng kata hta, Easter a shawng na laban, Tsanlun lap laban lamang hpe galaw nga ai shaloi, bawm kapaw ai majaw nawku sa ai hpung masha marai 44 si hkala hkurm ai hpe byin lai wa sai.

Kru ya shana, Cairo Muk lum hta bawm kapaw hkrum ai gaw, n’htoi 14 ya laman hta lahkawng lang kapaw ai hku ang wa sai. 2018 ning December shata 28 ya shani na Giza pyramids makau, mungkan buhkawm ai masha ni yu chyai ai shara hta bawm kapaw ai majaw , Vietnamese masha masum hte Egypt ga gale tsun ya ai wa langai, yawng re jang marai mali si hkala hkrum ai hpe chye lu ai.

Ndai bawm kapaw ai lam hpe gaw, IS ( Gumshem Islamic Nawku hpung ) ni hku nna galaw ai lam re ai hpe chye lu ai.

REF: The Wall Street Journal

LEAVE A REPLY

Please enter your comment!
Please enter your name here