Bu-Thi-Taung Mare Na Ningtau Balik Du Hte Mare Masha N’kau hpe AA Ni Sadi Jaw Ai Laika Sa !!

0
71

2018 ning December shata 21 ya shana daw maga ten hta, Rahking rawt malan hpung AA hku nna, Rahkaing mungdaw, Bu-thi-tawng ninghtawn, Ngwa-Yung-Taung buga hta nga ai ningtau balik du hte buga masha lahkawng hpe machyu pala langai hpra lawm ai laika hpe sadi jaw laika sa ya ai hpe chye lu ai.

Dai laika hta lawm ai lam gaw, AA hte ULA ( Rahkiang Amyu Sha Hpung) a amyu sha lam yan hte seng nna, buga ginra hkan shamu shamawt nga ai ni hpe, dingbai dingna n’jaw na matu hte, ginjang ai lam galaw ai kadai hpe rai ti mung, laja lana ahkyak la mat na lam hpe, sadi jaw da ai hpe mu lu nga ai.

Ndai zawn lai ka hte shadum ai lam gaw shawng na lang rai nna, lahta na du ni hpang de shana da sai hte, kaning ngu bai lajang na hte seng nna gaw, lahta na du ni matsun wa ai hte maren galaw mat wa na ngu, laika sa ya hkrum ai ningtau balik du Chit Shar Awng hku nna tsun ai.

AA rawt malan hpung a shiga dap lit hkam Khaing Thu Hka hku nna gaw, AA hte Myen hpyen dap ni gasat nga ai lapran hta, balik dap ni n’shang lawm na matu yaw shada let sadi jaw ai lam, re ai hpe tsun jahpra dan ai.

“ Ndai bat laman hta, Myen Hpyen dap hte AA ni grai laja lana gasat nga ai ten hta, Asuya mu gun ni rai nga ai, balik hte masha htawt shang jep jen dap ni hpe n’lawm shangun mayu ai, ya gaw Myen hpyen dap ni, dap htawt ai shaloi, balik hking bu hpun let, balik mawdaw ni lang nna dap htawt ai lam hpe galaw nga ai, majan byin ai ginra hta, balik ni hpe shaga wa nna, buga mare masha ni hpe zingri ai lam ni galaw wa ai majaw, ya na zawn aja awa shadum dat ai lam re ai ngu nna, matut tsun san lang da nga ai.

Lai wa sai masum, mali ya lapran hta, Myen hpyen dap ni hku nna gaw, hpyen nbungli, helicopter ni lang let AA ni hpe grai laja lana gasat nga ai hpe chye lu ai, dai sha n’ga, Dec 21 ya shani Myen hpyen dap kaw nna n’htoi 130 ya gaphkat jahkring na hte seng nna n’dau ai hta, AA hpyen dap ni shamu shamawt nga ai, Rahking mung daw n’lawm ai hpe chye lu ai.


REF: BBC News
Ja Tawng Naw

LEAVE A REPLY

Please enter your comment!
Please enter your name here