Bu-Thi-Taung Balik Dap 4, Gasat Gala Hkrum

0
71

2018 ning January shata praw 4 ya jahpawt manap ten, Rahkaing Mungdaw, Bu-Thi-Taung mare ninghtawn kata na, jairk sinn Myen balik dap 4 hpe AA rawt malan hpung ni htim gasat ai hpe lahkawng maga na seng ang ai ni, gasat gala byin ai hpe shangang shakang tsun shaga ai hpe chye lu ai.

“ jahpawt jau hkying 4:30 hte hkying 5:00 daram ten kaw nna, anhte Balik dap 4 hpe AA hpung ni shang gasat ai, dai shara ni gaw, Bu-Thi-Taung a dingdung maga Maungdaw a sinpraw dingdung maga na Kyaung-taung Ka-Hti-La, Nga-Myein-Baw-ka mare ni re, dai dap ni gaw jarik maga nga ai nre ai sha, ka-ang maga de loi ang ai, mabyin a kata lam hpe gaw grai ncye shi ai, raitimung shiga na ai hte hpyen n’gun jat na matu hkan sa ai, dai hkan sa ai hpung hte gasat hkat ai lam loi byin ai,’ ngu Myen hyen shiga shana shabra dap ai ningtau amu madu Du up daju Min Zaw Tun hku nna tsun ai.

Dai hte maren, AA rawt malan hpung a tsun shaga ahkang lu ai wa Khaing Thu Hka hku nna gaw, “ Dai hpawt Bu-Thi-Taung mare a dingdung maga de na jarik sin balik dap 4 hpe anhte ni wa htim gasat ai. Myen balik marai 7 si hkala hkrum ai, marai (14) hpe gaw jahkrung rim da ai, laknak 20 jan anhte ni lu zing da ai,” tsun ai.

Matut nna, mare masha langai gaw,” majan byin ai shara hte hpa n’seng ai, Ka-Hti-La mare hpe Myen hpyen dap kawn dai hpawt hkying 7:00 daram hta, Helicopter 2 hte bawm wa jahkrat ai, Myen hpyen masha n’gun mung grai lung wa ai, helicopter hte gap ai majaw, dum n’ta 7 wan hkrn mat wa sai, mare masha ni gaw hkrit kajawng nna hpaji jawng de hprawng yen mat ai,” ngu majan hte seng nna bai tsun ai.

2018 ning htum wa maga ten kaw n’na 2019 ning mani na ten du hkra, shani shagu Myen hpyen dap hte AA rawt malan hpung ni hku nna, Bu-Thi-Tawng, Ya-The-Taung, Pung-Na-Kyune mare ninghtawn ni hta majan grai laja lana gasat hkat nga ma ai, majan a majaw Rahkaing Hpyen yen marai 3000 jan wa sai hpe chye lu ai.

REF: VOA News, Shawng Lam Shi sawk
Ja Tawng Naw

LEAVE A REPLY

Please enter your comment!
Please enter your name here