Britain Ningbaw Theresa May Hkringmang Daju Amu Na Hkring Na Lam Ndau Shana

0
52

2019 ning May shata 24 ya shani hta, Britain hkringmang daju Therasa May hku nna Hkringmang daju magam bungli na hkring sa na lam ndau shana ai hpe chye lu ai.

EU hte Britain a May asuya a lapran hta myithkrum da ai, EU hpung kaw n’na Britain pru na lam ( Brexit ) hpe parliament rapdaw hta tang madun wa ai shaloi ( 3 ) lang nyet kau hkrum ai hpang, hkringmang daju magam bungli n’na pru na lam hpe n’dau shana wa sai.

Britain hkringmang daju ningnan lata ai lam hpe du wa na bat hta galaw hpang sana lam chye lu ai. Mungdan hpe tsawra ai myit hte Brexit hpe kaja hkra galaw ai rai tim, awng dang ai lam n lu la ai majaw, grai npyaw ai lam hpe mung, hkringmang daju a n’ta shawng, shiga sanglang hpawng hta tsun shaga wa sai.

Lai wa sai ten hta, Mung dinghku hkringmang lit la wa sai Theresa may gaw, 2016 ning hta Hkringmang daju Dadivd Cameron, hkringmang daju amu kawn pru hkring mat ai hta, Hkringmang daju bai tai wa sai.

Rapdaw hta amat ni a myit hkrum lam hpe lu na matu, ninghkap hpung Labor party ningbaw ni hte hkrum shaga ai tim, bawngban ai lam hten mat wa ai. EU kawn Britain pru ngut ai hpang, hkansa ra ai lam n’kau hpe n ra sharawng ai majaw, Asuya ningbaw n’kau mi mung pru hkring sa mat ai hpe chye lu ai.

REF: BBC, VOA
Ja Tawng Naw

LEAVE A REPLY

Please enter your comment!
Please enter your name here