Brazil Hka Madim Daw Hten Ai Hta Marai 34 Si Hkala Hkrum, Marai 300 Jan Mat Nga

0
75

2019 ning January shata 25 ya shani hta, Brazil mungdan a hpri hte kung nhprang rai htu shaw ai Vale company a, kung ni jen na matu galaw da ai hka madim daw hten mat ai majaw, marai 34 si hkala hkrum nna, marai 300 jang matut nna mat ai lam na chye lu ai.

Hka madim daw hten wa ai ten gaw, amu galaw ni shani shat sha nga ai malu masha seng hpe hkumpup hkumpa ni kaup mat wa ai.

Minas Gerais mungdaw a wan sat marai 200 jan gaw, ga htu jak ni, helicopter ni hte matut nna hkyen mawoi ai lam hpe galaw nga ai.

Brazil mungdan a kaba htum nhprang sut rai htu shaw ai Vale company a hka madim daw hten ai lam madung mabyin hpe grai nchye lu shi ai.

Ya na zawn hka madim daw hten ai hte seng nna, hkyen mawoi ai lam ni galaw na hte, sum machyi gumhpraw jaw na matu Vale company a mahkawng gumhpraw jahpan kaw nna US $ wan hkying 1.33 hpe jahkring da na matu January 26 ya shani hta Asuya kawn tang shawn lajang da sai.

Hka madim daw hten ai majaw, ni naw ai mare na hkauna pa ni hte, amu galaw ai ni nga ai dum n’ta ni, company mawdaw ni yawng hpe hkumpup ni kaup mat wa ai.

Ya na zawn byin ai shaloi, hka madim ni daw wa ai shaloi shadum ai jak gaw amu n’galaw ai hpe mung chye lu ai.

REF: Aljazeera, BBC
Ja Tawng Naw

LEAVE A REPLY

Please enter your comment!
Please enter your name here