Blue Fin Tuna Nga Kaba Langai Hpe US$ Wan 3 Hte Japan Lauban Langai Mari

0
80

Mungkan mungdan ni hta nbung ai lailen htunghking ni nga mali ai. Dai hta Japan myu sha ni hku nna Shushi ngu ai nga katsing sha ai lai len gaw mungkan hta mying gumhkawng nna, mungkan msaha ni sha ra ai malu masha hpan langai rai nga ai.

2019 ning January shata praw 5 ya shani hta, Japan sushi seng madu gaw sushi galaw sha ai lamu nsam nga singgung Tuna nga kaba langai hpe US$ wan 3 hte labau shang matsing hpa hku nna mari mat ai hpe chye lu ai.

Kiyoshi Kimura ngu ai Sushizanmai seng madu gaw, 278 kg ( 613-lb) daram kaba ai Tuna nga hpe manu shingjawng dut ai kaw nna, Japan yen wan 333.6 hte mari mat ai.

“ Ndai nga hpe yu jang katsing hprap hprap hte grai mu na zawn san ai, rai tim ngai jaw ai manu jahpu loi law mat ai ngu,” Kimura hku nna, mari ngut ai hpang bai tsun ai hpe chye lu ai.

“ Ngai hku nna ndai nga hpe, Japan gumhpraw yen wan 30 hte 50 lapran daram rai na ngu tak ai, law htum gaw yen wan 60 daram gaw jaw mai ai ngu shadu da tim, jahtum hta gaw sawn da ai hta htm 5 grau tsaw mat nna yen wan 333.6 ang mat ai,” ngu shi hku nna matut tsun ai.

Tuna hte Salmon nga hta nga sau Omega 3 grai rawng ai rai nna, Salmon nga gaw grau hpu tim, USA hte Japan hta gaw Tuna nga sha ai masha grau law htam wa ai hpe matsing hpa hku nna chye lu ai.

REF: BBC News, Star Online News
Ja Tawng Naw

LEAVE A REPLY

Please enter your comment!
Please enter your name here