Australia Ra Lata Poi Hta Up Hkang Nga Ai Party Kalang Bai Dang

0
235

Australia mungdan a ra lata poi hta ya na up hkang nga ai Conservative party woi awn ai galung hpung hku nna masum lang ningdaw hpe 2019 ning May 18 ya shani na ra lata poi hta dang ai lam hpe chye lu ai.

Malawng maga dang na ngu shadu nga ai ninghkap hpung a ningbaw Bill Shorten woi awn ai Labor Party sum mat wa sai.

Conservative party ningbaw, ya na hkring mang daju Scott Morrison gaw, mung shawa ra sharawng ai sut hpaga masing ni hpe tang madun lu ai majaw, ninghkap hpung ni hpe dang manga lu ai hpe Australia sut hpaga dap hkring mang Josh Frydenberg kawn ABC shiga dap hpe tsun shaga wa sai.

Scott Morrison a conservative galung hpung hku nna, masat da ai malawng maga dang ra ai mae 76 hta 77 dang sai re majaw, ra lata poi hta dang sai lam hpe, ra lata poi commission kawn tara shang tsun shaga wa sai.

“ Ngai galoi mung mauhpa kumla hpe kam ai,” ngu Morrison hku nna, kru ya shana hta shi hpe madi shadaw ai hpung masha ni a man hta mae dang ai hte seng nna tsun shaga wa sai.

Ra Lata poi dang ai Hkring mang daju Scott Morrison hku nna, May shata 20 ya shani hta Asuya hpe woi awn hpaw mat na hpe tsun wa sai.

REF: BBC, VOA
Ja Tawng Naw

LEAVE A REPLY

Please enter your comment!
Please enter your name here