Australia Mungdan A Saradaw Kaba Cardinal George Pell Hpe Ari Dam 6 Ning Jahkrat

0
53

2019 ning March shata 13 ya shani hta, Australia mungdan na Roma Kahtawlik hpung a arawng aya tsaw ai Saradaw kaba Cardinal George Pell hpe ma hpe n-ang n-a galaw ai lam a majaw htawng rawng ra na hpe chye lu ai.


December shata hta, asak 77 ning rai sai Cardinal George Pell hku nna Australia mungdan Melbourne muklum hta la kasha lahkawng hpe n-ang n-a galaw ai lam hte seng ai masa lam 5 hte tara dara hkum ai hte seng nna dai ni tara dawdan hkrum wa sai.


March shata 13 ya shani hta, Saradaw kaba Pell hku nna tawt ai lam dan dawng ai majaw htawng dam 6 ning hkra wa sai.


“ Na a lak lai ai arawng aya kaba hte tara tawt lai ai lam hpe kaup shalai mayu ai,”ngu Victoria Tara agyi Daju Peter Kidd hku nna Pell hpe tara dawn dan ai shaloi tsun wa sai. Matut nna Pell a ru hka amu hpe “ hkrit kaya n chye ai” ngu shaleng da ai hpe chye lu ai.

REF: Aljazeera, Star news
Ja Tawng Naw

LEAVE A REPLY

Please enter your comment!
Please enter your name here