Asuya Hte Myen Hpyen Dap Hpe N Shing Jawng Ai Lam UWSA Ndau Shana

0
45

2019 Ning June shata praw 2 ya shani, Myen hpyen dap shiga sang lang hpawng hta, UWSA hku n’na Myen Asuya hte Hpyen Dap hpe shing jawng ai hku n’na galaw nga ai lam hpe, Du daju Soe Naing Oo kawn tsun wa ai hpe, UWSA kawn June 4 hta ndau laika shapraw ai hpe chye lu ai.

UWSA a ndau laika hta,

● Myen hpyen dap ni hku n’na shawng hpang nhtuk ai hku tsun shaga ai
● Myen hpyen dap hte laga hpyen hpung ni hpe hpyen hku n masat ai
● Labau hta, ahkyak ai poi lamang ni galaw wa ai shaloi, rawt malan hpung ni hku n’na hpyen n’gun madun ai hpe ahkyak ai hku shalawm ai htung lai len nga ai lam ni a majaw chye na n shut na matu ngu ai lam ni
hpe shalawm da ai.

Dai hte seng n’na, UWSA Lashio matut mahkai rung a lithkam U Nyi Yan gaw, “ Hpyen n’gun madun ai lamang hpe ya sha galaw ai nre, lai wa sai 10 ning hpring ai shaloi mung galaw lai wa sai, kadai hpe hpyen hku n’na mara tam na matu galaw ai n re, simsa lam grau ngang grin na matu hte, matut nna galaw mat wa na lam hpe yaw shada let, galaw ai hpe, chye na n shut na matu bai sang lang ai hku re,” ngu tsun wa sai.

Dai ndau laika hte seng n’na, Myen hpyen dap shiga shana shabra dap a malawm lat du daju Zaw Min Tun, hku n’na UWSA ni NCA lam hku hkawm na maut ahkyak ai lam hpe bai nhtang tsun ai hpe chye lu ai.

REF: RFA
Ja Tawng Naw

LEAVE A REPLY

Please enter your comment!
Please enter your name here