Asia Bibi Pakistan Kawn Canada De Pru Mat Sai

0
97

Pakistian mungdan hta Islam nawku htung hpe n’gaw n’sawn di ai lam hte tara jewat hkrum n’na, htawng 8 ning sharawng da hkrum ai, Hkristian amyu shayi Asia Bi Bi hpe, tara rung kawn mara dat ya nna, ya aten hta Canada mungdan de du mat sai lam hpe chye lu ai.


“ Asia Bibi hku nna Canada mungdan hta shimlum let dinghku n’ta masha ni hte rau du nga ai shiga hpe hkaptau hkalum la ai,” ngu American mungdan a maigan mung hkringmang Pompeo hku nna tsun shaga wa sai.


Canada mungdan a hkringmang daju Justin Trudeau hku nna gaw, “ ahkyak shim ra ai masha langai a dinghkrai lam nga ai majaw, dai lam hte seng nna, hpa n’tsun mayu ai ngu,” parliament a shinggan hta tsun wa sai.


2018 ning hta, Asia Bibi a lam hpe ginjaw tara rung kawn daw dan ai hpe, myit dik ai lam n nga ai majaw, Islamic nawku htung hpe dinglai hku kam sham ai ni hku nna, ninghkap shawa n’gun madun ai majaw, shi hpe Pakistian mungdan kawn n pru shangun na hku Asuya hte myithkrum da ai lam galaw da sai.

Asia Bibi hpe ari jaw na matu shawa n’gun madun


Asia Bibi hku nna, htingbu Islam nawku htung kam sham ai hte ga law hkat ai shaloi, lamu kasa Mohamed hpe n’gawn n’sawn di ai ngu mara shagun nna 2010 ning hta, ari jahkrat hkrum wa sai.


Asia Bibi hku nna shi hta mara n nga ai ngu, dingyan tsun nga timung, Pakistan a dinglai kam sham ai ni hku nna, ninghkap shawa n’gun madun ai lam ni byin wa sai.


Dai majaw, Pakistan a seng ang ai Salang kaba ni hku nna, shi Pakistan mungdan kawn pru mat wa sai lam hpe sha tsun shaga nna, gara mungdan de, galoi hkawm mat ai hpe kata lam tsun jahpra dan ai lam hpe n galaw sai.


Raitimung Asia Bibi a kasha lahkawng gaw, shanhte tsinyam masat shawk shawn da ai, Canada mungdan de du mat sai ngu, shanhte a tara kasa hku nna tsun shaga wa sai.


Mungdan kawn pru na hku hkyen nga ai ten hta, Pakistan mungdan a shim ai ginra langai hta makoi nga nna, Canada mungdan de hprawng yen mat wa sai hpe chye lu ai.


REF: DW News
Ja Tawng Naw

LEAVE A REPLY

Please enter your comment!
Please enter your name here