ASEAN Hte Aung San Suu Kyi A Hkrang Nsam

0
47

Singapore mungdan hta galaw ai, 33 lang na   ASEAN Mungdan Ningbaw Chyawm tari  zuphpawng hpe, 2018 Nov shata 13 ya kaw nna 15 ya laman hta galaw ngut sai.

Dai zuphawng hta Myen mung a gawng malai mungdan hpaji jaw lit hpe gunhpai nga ai Aung San Suu Kyi shang lawm sai.

33 lang na zuphpawng hta, Aung San Suu Kyi hku nna Lu galaw ai lam ni hte, shi hta hkrum hkra ai lam nkau mi hpe  shana dat ai.

Akyu Ara Yawm Ai Lam Ni                                                                                                                                              ——————————-

  • (Amnesty International ) Mungsang Shinggyim Ahkaw Ahkang hpung kaw nna, 2009 ning hta shagrau da ai  “ International Ambassador of Conscience Award” hpe, Nov 12 ya shani hta bai dawm kau ya sai. Rohingya hte bawsang amyu kaji ni ntsa hta, hkrum hkra wa ai mayak tsinyam  kaba hpe, pat kum na matu n’galaw ai majaw dawm kau ai.
  • American mungdan hku nna, Rohingya mang hkang ntsa hta,  Myen mung ntsa hta mara shagun ai, lit nga ai Myen hpyen dap hpe ahkyak la na matu shadut tsun ai.
  • Malaysia Mungdan a Ningbaw Dr Mahathir Mohamad hku nna, Aung San Suu Kyi hpe Rohingya  ni hte seng nna grai laja ai hku tsun ai, grau nna galaw shut da ai lam ni hpe, bai jaw wa hkra shading sharai galaw  na matu shadum hai.

Akyu Pru Wa Ai Lam Ni                                                                                                                                                    —————————-

 

▪ Miwa Asuya hku nna, Rahkaing manghkang hte seng nna, Myen mung maga ja ja tsap let garum wa na lam ni lu la ai.

▪ Newzeland mungdan ningbaw Jacinda Ardem hte lak san hkrum shaga let, Rahkaing manghkang hpe tatut garum na lam lu la ai.

 

▪ ASEAN mungdan ni hku nna mung, Rohingya lam hte seng nna,  garum shingtau ya na lam hpe mung lu wa ai.

▪ USA mungdan hku nna gaw, Myen mung a Democracy galai shai ai mabyin  hta,  matut nna garum na lam hpe chye lu ai.

Lak lai ai lam langai hku nna gaw, Mung dan hpaji jaw Aung San Suu Kyi hku nna, ASEAN mungdan ni, Myen mung hta Sut hpaga arang bang na matu alak mi saw shajin shaga ai hpe, ASEAN zuphpawng hpaw lamang  mungga hta tsun da nga ai.  Myen mung hku nna, Sut hpaga Arang bang ai tara upadi hpe   grau masan sa let, lawan lu galaw  hkra galaw da sai lam hpe san lang dan sai lam hpe chye lu ai.

REF:  Star News, VOA, RFA

Ja Tawng Naw

LEAVE A REPLY

Please enter your comment!
Please enter your name here