American Asuya A Magam Dap Rung Nkau Mi Hpe Pat Kau !!!

0
65

American hte Mexico mungdan lapran na jarik lamu ga hpe bunghku kaba kum na hte seng nna, American Upadi Ka Rapdaw ( Congress ) hta myit hkrum ai lam n’lu la ai majaw, American Asuya a magam dap n’kau mi hpe jahkring kau sai lam shiga na lu ai.

Jahkring kau hkrum ai magam dap ni gaw, Mungdan kata shim lam dap, Htaw-wa htaw-sa dap, Hkai Sun Dap, Maigan mung Magam dap hte Tara Rung magam dap ni lawm ai, dai sha n’ga amyu sha nampan sun ni hpe mung pat kau ai lam hpe chye lu ai.

Ndai zawn Asuaya a magam bungli daw chyen hku hkring mat wa ai majaw, Munghpawm Asuya lawu hta amu galaw nga ai marai 380,000 gaw jahkring jahkra ahkang la ai ( sh ) shabrai n’lu ai sha jahkring mi gang hkring na matu ang wa sai. Dai hta, mungdan shawa a sak shim lam hte sut hpaga hpe magawp maga ra ai, Asuya mu gun ni marai 420,000 gaw shabrai n’lu tim tinang a magam amu hpe matut nna gun hpai ra sai.

Mexico lamu ga jarik hta, gaw gap na jarik bunghkuk a matu American $ Wan Hkying 5 ( 5 Billions ) hpyi shawn da ai budged hpe Democrat rapdaw amat ni hte n’lu jahkrum ai majaw ndai zawn byin wa ai, dai lam hpe American Gumsan magam Donald Trump gaw Democrat ni hpe mara aja awa shagun da nga ai.

“ Ya gaw Asuya a magam dap nkau mi hpe jahkring kau sai, Democrat ni a ra lata mae ra ai majaw ngai na maga hku nna hpa mung n’mai galaw mat wa sai, Asuya a magam dap nkau mi hpe, jahkring kau ai lam gaw, aten nau gaw n’na na re,” ngu Donald Trump gaw Dec 21 ya shana daw hta tsun ai.

Upadi Ka Rapdaw ( Congress ) kaw nna Democrat ningbaw ni gaw, Mungdan jarik shim lam hte seng nna Republican amat ni hpe tang madun da sai hte, jarik bunghku gaw gap ai lam gaw manu grai hkrat nna, tang du ai lam n’nga ai ngu bai tsun da nga ai.

American Upadi ka Rapdaw ( congress ) hta upadi tara langai mi jahkrat sana nga jang, amat yawng a htam masum kaw nna htam lahkawng lu jang she shagrin mai ai, ya na masa gaw Replican ni hku nna ra lata mae 60 % nlu ai majaw, jarik bunghku gawgap na hte Ausaya jai gumhpraw shagrin ai lam hpe n’mai shagrin taw nga ai.

Congress hta Bawng Ban Nga ai Lam

Dai lam hpe Donald Trump hku nna gaw, party 2 pawng nna mae 60 lu jang she shagrin ai masa hpe dawm kau nna, myit hkrum ai mae 51 lu ai hte shagrin mai ai masa hpe galai na matu shadut nga ai hpe chye lu ai.

REF: BBC News, VOA News

Ja Tawng Naw

LEAVE A REPLY

Please enter your comment!
Please enter your name here