American A Ten Ladaw Ka’ang Ra Lata Poi Mahtai Pru Sai

0
30

2018 Nov 6 ya shani galaw ai American  mungdan a aten ladaw ka’ang ra lata poi mahtai yawng mi nchye lu ai rai tim, lahta Rapdaw hte lawu Rapdaw hpe gara parti ni, masat da ai madang hta jan nna,  dang mat ai lam hpe chye lu sai.

Lawu Rapdaw ( House of Representatives ) Hpe Democratic Parti Ni Dang Sai                                                         —————————————————————————————–

Lawu Rapdaw hta nga ra ai amat marai 435 hta na Democratic parti ni gaw 222 lu mat sai majaw, masat da ai madang 218 lu ra ai hta jan mat nna, Democratic parti ni hku nna lawu rapdaw hpe kaup lu ai masa hku rai mat sai. Ndai lam mung  8 ning na ai hpang Democratic ni lawu rap daw hta n’gun kaba hte bai dang ai masa rai wa sai.

Dai majaw Democratic ni hku nna,

■ American Gumsan magam Donald Trump a Asuya kata lam hte sut masa lam ni hpe san jep ai lam ni galaw mai wa sana.

■  USA hte Mexico lamu ga jarik hta shakum kaba kum na hpe pat shing dang ai ahkang ni lu wa sana re.

 

Lahta Rapdaw ( Senate ) Hpe Republican Parti Ni Dang Sai                                                                                        ———————————————————————

Lahta Rapdaw hta nga ra ai amat 100 hta, Republican parti ni gaw marai 51 lu sai majaw, masat da ai madang 50 hta jan sai majaw, Lahta Rapdaw hpe Donald Trumph lawm ai Republican parti ni matut nna ka’up lu sai.

Dai majaw Donlad Trump hku nna

■  Gumsan magam a galaw mai ai ahkaw ahkang, Tara masa lam hte Asuya uphkang ai lam hta masha shatsam ai lam hpe matut nna galaw lu ai ahkang nga mat wa sai.

Ndai  lam hpe yu jang Donald hku nna,  shi galaw mayu ai masa lam ni hpe Democratic  amat ni hpe lu hkra jahkrum wa ra sai, maga mi hku kaja ai lam gaw, shi jahkrum ai hpe Democratic amat  ni myit nhkurm jang, Democratic ni a  majaw amu nbyin ai ngu mara shagun mai nga ai.

 

REF: VOA, BBC News

Ja Tawng Naw

LEAVE A REPLY

Please enter your comment!
Please enter your name here