Am Mare Hta Hkristan 3 Hpe Laga Nawku Htung De Galai Shangun

0
59

Rahkaing Mungdaw, Am ninghtawn Pa-day-kya mare ha, mare uphkang salang ni hku n’na, Hkristan marai 3 hpe Bukda nawku htung de shagyeng n’na kam sham na matu ta masat htu shangun ai hpe Hkang shinggyim ahkaw ahkang hpung ( CHRO ) kawn, 2019 ning June shata praw 10 ya shani hta n’au shana ai hpe chye lu ai.

May shata 24 ya shani hkying 3:00 pm daram aten hta, Pa-day-kya mare uphkang salang U Tin Maung Shwe woi awn ai hte, mare salang marai 5 kawn, Hkristan hpung masha U San Swe Maung hte hpung up sara U Awng Thein Lin ni hpe Bunggyi jawng de shaga la n’na, Bunggyi wa a man kaw nan, Bukda nawku htung de galai shang na lam sakse laika pa hta, shagyeng n’na ta masat htu shagun ai hpe, marai langai mi CHRO de tsun wa sai.

May shata 25 ya shaloi mung, Hkristan hpung masha U San Tin Awng hpe mung Bunggyi langai hku n’na, mare uphkang rung de woi sa n’na, Bukda makam masham de galai sai lam hpe tamasat htu shangun wa sai.

Dai sha n’ga, Hkristan ni hpe Hkristan makam masham hpe matut kam sham nga jang, mare kaw n’na gau shale kau na lam hpe mung jahkrit shama hkrum wa sai.

Ta masat htu ai lam galaw ngut ai hpang, Mur ninghtan hta nga ai mare 8 na hkristan dinghku de, pru shang ai lam n galaw na, gat n dut lu na matu ndau shana n’na tawt lai ai ni hpe gumhpraw dam sen mi shawa sha hkrum na lam hpe, hkan ndau nga ai hpe mung chye lu ai.

REF: CHRO Ja Tawng Naw

LEAVE A REPLY

Please enter your comment!
Please enter your name here