AA Gasta Gala Majan Mare Kaba Ni Hte Ni Wa

0
26

Rahking mungdaw hta AA hte Myen hpyen dap ni lapran hta majan gasat grau laja wa ai hpe mu mada lu nga ai, 2019 ning February shata 20 ya jahpawt 07:20 daram ten hta, Rahkaing Mungdaw Yathetawng ninghtawn, Myawk-U ninghtawn hte Yangon – Sittwe maw daw lam mayan hkan dap mying grai nchye shi ai Myen hpyen dap hte, Rahkaing rawt malan hpung AA hte laja lana gasat gala byin ai lam chye lu ai.

Dai hte seng nna AA a tsun shaga ahkang lu ai Hkai Thu Hka nna gaw, “ Dai ni mung majan matut na byin ai, ja hpawt 07:20 AM ten daram hta Yathaetawng mare a sinna maga de Minhpu mare lapran hta byin ai shaloi Myen dap maga de nna marai 10 jan si nna, hkala ai hpyen la ni law ai, Myawk-U ginwang hta mung majan matut byin nga ai. Mani kaw byin ai majan hta Myen dap ni hku nna hpyen helicopter ni lang nna gasat ai lam hpe galaw ai, Paletwa ninghtawn sinpraw maga de mung manap 08:00 kaw nna majan byin ai lam ni nga ai, Myen ni gaw dap nu 22, 55, 99 hte laga dap ni hte hpyen nbungli ni lang let aja awa jasat nga ai” hpe tsun wa sai.

“ Ya na masa hpe yu jang Simsa lam hte seng nna gaw, myit mada shara nau n nga ai, naw san nga ai, “ ngu matut tsun ai.


Ndai laman majan a majaw, Rahkaing IDPs 10,000 daram nga wa sai hpe chye lu ai.

REF: RFA, VOA
Ja Tawng Naw

LEAVE A REPLY

Please enter your comment!
Please enter your name here