AA 10 Ning Hpring Masat Myauk-U Balik Dap Hte Myen Dap Nu (22 ) Hpe Htim Gasat

0
30

Rahkaing Rawt malan hpung a AA gawde ai 10 ning hprig masat masa hku nna, Rahking mungdaw Myauk-u muklum a Balik dap nu hte Myen hpyen dap laknak amyawk kaba ni tawn da ai dap nu (22 ) nga ai shara hpe 2019 ning April shata praw 9 ya shana hkying 10 PM daram kawn AA ni shang gasat ai hpe chye lu ai.

Dai lam hte seng nna, “ Myen hpyen dap a laknak kaba ni tawn da ai dap ni re, Mayk-u ninghtawn ting hpe gap nga ai amyawk dap hpe anhte ni shang gasat ai, Myen hpyen la ni si hkala hkrum nna, lak nak nkau lu zing la ai, bawng masha ni mung lu rim la ai,” ngu AA a tsun shaga ahkang lu ai litkhkam Khaing Thu Hka kawn tsun wa sai.

April praw 9 ya shana daw hkying 10 kawn Myawk-U muklum na Ko-Thaung hpara hte ni ai kaw nga ai, balik dap nu hte Myen hpyen dap nu (22 ) hpe AA ni htim gasat hpang wa sai, jahpawt hkying 5 ten daram hta Myen hpyen n’bungli 4 wa du gap ai majaw, AA ni bai htingntu mat wa ai, dai ngut ai hpang April 10 ya shani tup, Maywk-U ninghtawn de nna, let-kwa mare na bum mayan hte, Lay-nyin bum ni maga de majan matut byin nga ai.

Majan a majaw, mare masha 2 si hkala hkurm nna, num 1 hte ma 1 mi hkala hkrum hka ai hpe chye lu ai.

REF: VOA, Shawng Lam shi sawk
Ja Tawng Naw

LEAVE A REPLY

Please enter your comment!
Please enter your name here