2008 Ning Gaw Da Ai Tara Gram Lajang Na Hta Rapdaw Dat Kasa Ni Lit Lu

0
20

2019 ning February shata praw 1 ya shani hta, Nayhpyi daw hta 2 Lang na Radaw zuphpawng 3 ning hpring lamang hta, Myen mung hpaji jaw Salang Awng San Suu Kyi kaw nna, 2008 ning gaw da ai tara gram lajang ai hte seng nna rapdaw dat kasa ni hta lit nga ai ngu matsun mungga hta tsun shaga ai hpe chye lu ai.
Shi tsun shaga da ai kaw nna lak lai ai lam n’kau mi gaw,
Gaw da ai tara hpe gram ai amu hpe galaw ai gaw, Democracy hpe bau maka ai lam re.
● Ninghkap hpung gaw, lam shagu hta adawt nga na matu n’rai ai sha, shada da hpaji hta kungkyang wa na matu galaw chye na matu mung re ai.
● Tinang a ningmu shut ai lam nga jang, gwi gwi galai shai ai myit masin nga ra nna, jaw ai nga jang tinang a ningmu hta gwi gwi tsap ai myit masin nga ra ai.
● Kangka ai amat dat kasa gaw, mung shawa hte seng ai mai kaja lam ni hpe galaw ya ai, mung shawa a malai tsap ya ai, mung shawa hte seng nna ayan na myit ya ai, ngu ai lam ni hte tsun let rapdaw amat ni hpe tsun shadum n’gun jaw ai lam rai nga mali ai.


Myen mung hpaji jaw Salang Awng San Suu Kyi hku nna ndai hku tsun ai masa hpe bai maram yu jang, Jan 29 ya shani hta, NLD amat ni hku nna 2008 ning gawda ai tara hpe gram lajang hpang na matu, shawng komiti hpaw ai hpe ahkayk ai lam hku rapdaw hta tang shawn nna, galaw wa ai shaloi, USDP hte Myen hpyen dap dat kasa ni kaw nna, rapdaw hkrang tara hte maren n’galaw ngu ninghkap ai lam ni nga wa ai majaw, tsun shaga ai masa rai nga ai.


Ndai lam byin ngut ai hpang, Myen bunggyi Wirathu hte Myen hpyen du kaba ni matut mahkai let, gawda ai tara gram wa ai shaloi ninghkap na matu lajang na hte seng nna masing ni jahkrum nga ai lam shiga ni pru wa ai.


Dai majaw, 2008 Gawda ai tara hpe NLD amat ni rapdaw kata hte rapdaw shinggan hta kade daram awng dang hkra lajang lu na hpe gaw matut nna yu ra nga sai.


REF: Myanmar State Counselor office
Ja Tawng Naw

LEAVE A REPLY

Please enter your comment!
Please enter your name here