( 2 ) Lang Na Wunpawng Amyu Sha Lam Masan Bawng Ban Hpawng A Ndau Laika

0
91

(2) lang na Wunpawng amyu sha lam masan bawng ban hpawng hpe 2018 Nov shata praw 6 ya kaw nna 13 ya du hkra Jinghpaw mungdaw Laiza Muklum kaw awng dang ai hku galaw la lu sai hpe chye lu ai. Nov 13 ya shana daw hta, Bawng ban hpawng hpe woi awn ai Kachin Political Consultative team kaw nna ndau laika hpe shapraw ai. Dai hta na matsing da mai ai lam ni gaw:…

● Ndai zuphawng hpe Kachin Political Consultative Team kaw nna woi awn galaw ai
● Zuhpawng hta, Mungdan kata hte maigan du myu sha ningbaw ningla ni, makam masha hpung ningbaw ningla ni yawng  marai 500 jan shang lawm ai hpe chye lu ai.


● Yaw shada lam gaw, Wunpawng amyu sha a shawng lam hpe, mung shawa ni hte hkut hkut nai nai bawng ban galaw sa na matu yaw shada ai.
● Bawng ban ai lam ni gaw,
1) Mung masa lam
2) Mung shawa magawp maga lam
3) Sut masa lam
4) Shinggyim wuhpung wuhpawng masa lam hte
5) Wunpawng Amyu sha htunghking masa lam ni hpe bawng ban ma ai

Daw dan myit hkrum ai lam ni
1) Kachin land policy ( Wunpawng Lamu hte seng ai hkrang tara )
2) Natural Resources Policy ( Nhprang  sut rai hte seng ai hkrang tara )

● Byin nga ai mung masa, simsa lam hte seng ai mayak ni hte IDPs hte seng ai lam masa ni hpe du sa ai kasa ni hpaja jaw ai  ningmu ni hpe matsing da ai

● Mung shawa ni hku nna, Myen mung, muung masa hte seng ai lam ni hta, Myen mung bawsang ni hte rau ta gindun galaw sa mat na matu daw dan myit hkrum ai.

 

REF: Sara Dau Hka ( Kachin Political Consultative Team )

Ja Tawng Naw

LEAVE A REPLY

Please enter your comment!
Please enter your name here